LENGA – CULTURA
Peireguers vila de lenga e de cultura lemosina
Vos presentam un libròt que faguèrem e seguida de nòstre estagi Lenga e Cultura en Lemosin dins l’encastre de nòstra formacion d’Aprene 1. Trobaretz lo fichièr libròt pel regent en seguida del libròt per l’escolan.
Podretz trapar los fichièrs en format modificable sus Estelum dins los nòstres portfoliòs.
Trabalh realizat per Monica BISSAY e Clara-Lina ZIMPFER
Abril 2020
Mòstra: Los animals totemics
Bonjorn a totes!
La còla Animals Totemics vos prepausa sa version en linha de la mòstra. Innovacion deguda al confinhament.
Vos prepausam un zoom sul Buòu de Mesa, lo Polin de Pesenàs, lo Drac-Trocha de la Salvetat d’Agot, la Baragònha de Sant-Cristòl e l’Ase de Ginhac.
Bona passejada dins la mòstra !
NB: Podètz accedir a la mapa d’eime en picar sus l’imatge. En seguir se picatz suls animals accediretz als documents.
Raquel Martin, Garcia Cloé, Zimpfer Clara-Lina, Lavandet Sandrina e Raymond Elodia
Visita de la Bauma de Font-de-Gaume
Pendent l’estagi lenga e cultura que se debanèt en febrièr dins Perigòrd, la còla d’APRENE 1 faguèt una visita de tria dins una bauma.
Nos fariá plaser de la vos partejar.
Situada a Eyzies-de-Tayac, la bauma de Font-de-Gaume es l’un dels mai polits santuaris paleolitics del mond, lo sol qu’a de pinturas policròmas que siá encara dubèrt al public.
Transcrit per Richez Solanja e Lavandet Sandrina
Visita de la Catedrala Sant-Front de Peiregús
A l’ocasion del nòstre segond estagi «Lenga e Cultura» que se debanèt en Peiregòrd del 10 al 14 de febrièr 2020, lo Patrick Divaret nos faguèt una visita comentada de la fòrça polida e cargada d’istòria Catedrala Sant-Front de Peiregús.
Aquò nos balhèt l’enveja de vos presentar la catedrala. Per aquò far, nos sèm apiejadas sus un article del Patrick Divaret qu’avèm revirat en occitan. Vos ofrissèm un resumit de la debuta de l’article, puèi una revirada completa de la seguida.
Raquèl Martin e Cloe Garcia