Banksy qu’es aquò ?
Banksy es lo pseudonim d’un artista de grafitís (street art) de las annadas 1990, que degun coneis pas sa vertadièra identitat. La màger part de sas òbras se son fachas conéisser sus las parets de la vila de Bristòl en Anglatèrra. Al fial de l’aiga, Banksy es vengut fòrça conegut per sas òbras qu’an fachas lo torn de la planeta (Berlin, Betelèm, Barcelona, e mai encara). Pensam que Banksy es un òme blanc d’a pauc près 28 ans, i a de vidèos que l’i vesém mas a totjorn un quicòm per amagar sa cara.
A l’ora d’ara, tres ipotèsis dison que Banksy poriá èsser :
Robin Gunningham : qu’èra un “street artiste” e colocatari de Banksy pendent un moment e que sos desplaçaments de trabalh semblavan los meteisses que las òbras de Banksy.
Robert Del Naja (alias 3D) cap del grop de musica «Massive Attak» conegut per èsser un amic de longa data de Banksy, al fial d’una entrevista pels mediàs, lo DJ Goldie sona Banksy «Rob» (benlèu Robert Del Naja)
Jamie Hewlett, artista dessenhaire de bendas dessenhadas anglés, conegut per aver dessenhat lo grop virtual de Gorillaz
Las Òbras de Banksy :
La tecnica : La tecnica de grafití de Banksy se sona la tecnica de «l’enstambon» que consistís a descopar una siloeta dins un tròç de carton (una siloeta d’òme, de rat eca…) de lo pegar contra una paret e d’emplenar lo trauc, es una tecnica que cal trabalhar en amont que permet d’èsser fòrça precis e aviat, subretot util perqué lo trabalh de Banksy es illegal. Banksy fa pas solament de grafitís, un jorn es anat dins los musèus de sciéncia naturala de Londres e de Nòva Iòrk per acrocar de tablèus coneguts mas modificats per l’artista, d’imatges detornats o encara sus la paret de Gazà en Palestina.
Lo messatge : Las òbras de Banksy son fòrça revendicratrises, denoncián la guèrra, la politica, fan passar de messatges antimilitaristes e anticapitalistes presentats jos forma de personatges que tornan sovent (de rats, de monins, de policièrs e d’enfants). Banksy es tanben realisator, pr’amor de son film «Do the Wall» (Fasètz la paret) qu’es un film documentari, se tracha d’un francés que demòra a Los Angeles e qu’ensaja de far un documentari sus Banksy e lo mond del grafití. Dins aquel documentari, vesèm Banksy parlar fàcia a la camèra cara amagada e a la votz modificada dins una mena d’entrepaus. Banda anóncia de “Fasètz la paret” : https://www.youtube.com/watch?v=kcRuHVbmcF0
En 2013 Banksy vendèt de tablèus d’el meteis a Central Parc a 60 dòlars pèça, lo mond que compèron pensavan qu’èran de falses mas non, èran de vertadièrs Banksy. Lo 6 d’octobre de 2018 dins la sala d’enquants Sotheby’s a Londres (mai vièlha sala d’enquants del mond) una òbra de Banksy «Girl with the Ballon» se vendèt a 1,200,000 Livres (£) mas al moment de la venda, al còp de martèl, un trissador dissimulat dins lo cadre comencèt de descopar l’òbra en pichonas lamèlas, los crompaires e lo personal de la sala èran totes espantats, degun èra al fial de la trapèla.
Actualitat : d’aquesta passa de crisa sanitara mondiala, Banksy fa tot jorn parlar d’el : A Bristòl en Englatèra, son òbra «The girl wih the pierced Eadrum» a recebut una modificacion, s’es facha apondre una masqueta de proteccion contra lo Covid-19. Impossible de saupre se es Banksy el meteis qu’a aportat aquesta modificacion o un autre «street artiste».
En setembre de 2019 Banksy faguèt una òbra anti-brexit sus la paret d’una vila pòrtuara que los batèus Européancs ipassan per faire de comerçe
Sorças : https://fr.wikipedia.org/wiki/Banksy http://www.slate.fr/culture/78904/banksy-central-park-60-dollars Film «Do the Wall» Libre «Banksy Guerre et Spray» Youtube
Autor : Lòris ROSTAING