S’avètz de còdols, de polidas pèiras o de lausas es lo moment de far un pauc de decoracion.
– Prenètz un còdol, lo vos cal plan espolsetar e lo netejar.
– Amb un bèl pincèl, acaptatz lo còdol de pintura roge.
– Quand es plan sec, fasètz la partida de negre pel cap e tanben sus lo còs, es a dire los pichòts ponches de negre. Pels ponches prenètz un pincèl fin.
– Per far los uèlhs vos cal plan esperar que lo cap negre siá sec, alara serà possible de metre pichòts ponches blanc e tanben una boca blanca, e aprèp per dessús vos cal apondre de pichonets ponches de negre.
– Vaquí vòstra pintura es acabada, mas per balhar una finicion mai lusenta podètz acaptar/cobrir amb de vernís.
Elodia Bascou