Lo diluns 20 d’abrial, Uc Bernet retroba sa classa en visioconferéncia.

A la debuta los enfants dintran dins aquela sala, un pauc especiala, sus aquel servidor informatic del CNED.

Los enfants se saludan, parlan sul «chat». Lo regent utiliza de musica en fons …tot aquò es devengut un ritual. L’ensenhaire balha las consignas per aquel cors. Puèi passa a la seguida pedagogica pendent l’embarrament, pels corses de la setmana en visioconferéncia e per las cenchas que lor cal acabar amb los entrainaments.

Aquesta sesilha es prevista per las matematicas : Lo despartiment, la division. Es la primièra sesilha de manipulacion d’aquela tematica. Dintra dins una progression, n’es a sa tota debuta.

Debuta de la sesilha, Uc parteja un diaporama. Demanda tanben als enfants se tot lo monde a plan lo material demandat. Balha de temps als escolans qu’an pas encara çò que cal.

Balha una pichòta situacion (un pichòt problèma) :

– legís la consignas amb los mots importants.

– daissa de temps als enfants per o far.

– e demanda als enfants la responsa.

(Dins aquela sala, a l’escasença d’aver un pictograma amb un òme que lèva lo det, los escolans se servisson d’aquel per se manifestar.)

– puèi Uc balharà la responsa.

Aprèp aquela primièra etapa de recèrcas, lo regent demandarà als enfants d’escriure amb de signes qu’an ja vistes una frasa matematica : +, =, x, ( )

« Quina frasa avètz escricha ? »

Aprèp doas autras situacions, Uc demanda als mainatges : que venèm de descubrir ? Daissa parlar los enfants.

Un mainatge respondrà : un partatge en part egala.

Un autre parla de division.

Un dirà que la division es l’invèrsa de la multiplicacion.

Un autre explicarà lo principi de la division als enfants : «La division es pas per aprene als enfants de devenir tròp radin(cusson)  »

A la fin , per institutionalizar aquela recèrca l’ensenhaire demandarà :

De qu’es una division ? Divisir es partejar en part egala !

Vaquí èra una sesilha plan preparada pel regent e fòrça agradiva de seguir en dirècte. Mercé a Uc per aquel partatge.

Elodia Bascou