La bèla es mòrta.
Desespèr dels tres fraires,
tres monts, tres ermitatges.
Lop, vesin de la vila del solelh.

Aquí, emblematic, trencant.
Gausar se ne sarrar.
Fintar la farigola, se far alisar pel vent d’estiu,
vent de garriga, vent de mar.

Lo borbolh a son pè,
a son cap, Cevenas sacradas.
Lo pic apasima,
porgís a l’encòp estacas e avenidor.

I far un ramelet d’envejas prigondas.
Pantaisses e accions.
Escotar lo cant de la tèrra, la sieuna tèrra.
Aimar.

Cloe Garcia

Imatge : Pegatge Lo pic Sant-Lop – Cloe Garcia