Uèi vos vau mostrar cossí balhar de relèu a un imatge.

Material :

  • imatge estampada en 5 còps al mens
  • de pega
  • un parèl de cisèls
  • un carton espés (3-4mm)

1°) Cal definir los elements de metre en relèu. Ensajar de soscar çò que serà de primièr plan o de segond. Observar l’imatge per veire se i a ja de causas que passan dessús.

2°) Copar los diferents elements. Pensar que d’unes elements seràn en mantuna espessor de papièr.

3°) Fargar amb lo carton de pichon carats d’a pauc pres 3mm de costat. Se fa mestièr ne fargar de mai pichons segon la talha dels tròces d’imatges.

4°) Partir de l’imatge original e pegar de tròces de carton a l’endrech que se pausarà l’espessor seguenta. Puèi pausar lo tròç dessús, atencion de lo plaçar bòrd sus bòrd.

5°) Tornar far tan que i a de besonh per obtèner l’espessor e lo relèu desirat.

Clara-Lina ZIMPFER