A la prima, la natura s’espandís mercés a la creissença de la flòra mas tanben mercés a la nidificacion. Aquel mot significa literalament lo fach de bastir un nis. Ara, dins lo lengatge comun es vengut sinonim de reproduccion de l’aucèl. Quand las temperaturas montan, los aucèls bastisson o adoban los nises en prevision de la procreacion.

Çaquelà, un nis es pas un «ostal», es mai que mai una maternitat, una grépia. La femèla i va pondre, coar, noirir sos aucelons, que i demoraràn cap a lor volada.

Vos parli de tot aquò per de que dins l’òrt, los enfants e ieu avèm trapat de polidas cauquilhas blavas e aquò nos balhèt l’idèa d’ondrar las clòscas dels uòus de l’ostal.

Vaquí la polida resulta.

Uòus colorats amb de pelalhas de ceba roja e d’estampadors de flors del jardin:

Material :

– Uòus,

– flors de l’òrt,

– debàs matèria colant,

– pelalhas de ceba roja,

– aiga,

– caçairòla

Preparacion :

Prene un uòu, aplanir una flor dessús, metre en sarrant dins un debàs, far un nos per manténer.

En espèra faire bolhir dins l’aiga las pelalhas de ceba roja, metre los uòus, pensar a metre eventualament una gota de vinagre per pas que se petan.

Daissar còire 20mn los passar jos l’aiga freja, levar lo debàs e las flors e passar una pichòta pelha trempada d’òli per faire lusir.

Lavandet Sandrina