Avètz segurament ausit a parlar de la Batalha de Murèth que se passèt en 1213. Un de las personas màgers implicada dins aquel conflictes es Pèire II d’Aragon. Perqué l’istòria d’aquel òme es ligada a la comuna del sud de Tolosa ? Comença a la debuta del sègle XIIIen, en 1206.
Pèire II d’Aragon èra rei del domeni Aragonés. Èra un territòri grand que s’espandís de Saragòssa a Valéncia, compren Perpinhan e Pau. S’i parla l’occitan ancian.
Pèire II es maridat, dempuèi 1204, amb Maria de Montepelhièr, filha dels senhors de Montpelhièr. Èra un maridatge d’interés que vegèt nàisser Jacme 1er, eiretièr de la corona. Entre Maria e Pèire II èra pas lo grand amor e decidiguèron de se desseparar pr’amor que podián pas pus viure amassa.
Lo rei demorava dins lo castèl de Loarre, situit amont d’una sèrra dins la província de Huesca en Aragon. Aculhissiá fòrça femnas e emplegava qualques domestics. Un jorn l’un d’entre eles li portèt una letra, amb qualques dificultats. Se perdèt en camin, portat per son caval. Capitèt fin,finala d’arribar al castèl, disiá que foguèt ajudat per un angèl.
Qualques setmanas a, Pèire II aviá demandat l’anullacion de son maridatge amb Maria de Montpelhièr per poder esposar Maria de Montferrat, reina de Jerusalèm. Son reiaume li sufisiá pas pus, Pèire II d’Aragon se voliá espandir al delà de la mar Mediterranèa.
Tornem a la letra se volètz plan, veniá tot drech del Papa Innocent III. La religion aviá una plaça bèla dins sa vida, viu defensor del crestianisme, foguèt coronat pel Papa e jurèt de defendre la fe catolica. Foguèt lo primièr rei a aver aquel coronament.
Pèire dubriguèt la letra, un sagèl de cera roja amb la crotz la manteniá tampada. S’assetèt, legiguèt e s’embufèt. Lo papa li disiá non, non a el, non al reiaume d’Aragon. Aquela decision que prenguèt lo papa foguèt lo primièr eveniment que menariá Pèire tot drech a la mòrt. Pr’amor qu’en 1213, foguèt tuat a Murèth per las armadas de Simon de Montfòrt, mandat pel meteis Papa.

Trobaretz la seguida de l’istòria dins la publicacion seguenta.


Clara-Lina ZIMPFER

Pèire II « lo Catolic », enluminadura tirada del Liber feudorum Ceritaniae. Sola representacion contemporanèa del rei, realizada entre 1200 e 1209. fol. 64v. Reg. n.º 4. Archius de la Corona d’Aragon.