Adieussiatz brave mond ! Aquesta setmana, vos anam presentar un grop de trobadors modèrns pas pro coneguts, los Fabulous Trobadors !


Aquel grop tolosenc de musica populara occitana se formèt en 1987 dins lo barri de Arnaud-Bernard, e se compausa de Claude Sicre sonat “Docteur Cachou” e Jean-Marc Enjalbert dich “Ange B”.

En 1992, los dos Trobadors sortiguèron lor primièr album “Èra pas de faire”, pichòta revolucion per aqueste periòde qu’èran los primièrs de far espetar las frontièras entre la musica occitana populara, lo hiphop e los ridims Jamaïcans.
Mescla de percussions brasilianas, cant, rap e beatbox, lo tot sus de tèxtes engatjats, que denóncian las inegalitats socialas e sostenon l’identitat culturala.
Claudi Sicre, arrestèt definitivament de jogar de rock, quand descubriguèt lo blues rural american, s’es mes en cèrca de son blues a el, en furgant dins lo patrimòni de las musicas popularas occitanas.
An quitament la costuma de far d’improvisacions sus scèna que, se las cançons dels Fabulous Trobadors balhan matèria a soscar, an tanben lo merite d’èsser de vertadièras maquinas a improvisar, participar, e coma o disèm apondre son gran de sal. Coma amb los famoses “duels de tchatche” çò que balha sovent l’escasença per d’espectacles fòrt amusants.
Lo grop es tanben implicat dins fòrça movements associatius, coma amb lor cançon « Calandreta » que parla de las nòstras escòlas.

Lor titre Calandreta en YouTube : https://www.youtube.com/watch?v=JHScr5aJDlI
Discografia :

  • Era Pas De Faire (1992)

  • Ma Ville Est Le Plus Beau Park (1995)

  • On The Linha Imaginòt (1998)

  • Duels De Tchatche Et Autres Trucs Du Folklore Toulousain (2003)

  • Bombes 2 Bal (2006)

Sorças : https://www.totoutard.com/artiste/fabulous-trobadors?idartiste=74

https://fr.wikipedia.org/wiki/Fabulous_Trobadors

https://www.discogs.com/fr/artist/632281-Les-Fabulous-Trobadors

Autors : Lòris ROSTAING e Angelò BORDIN