Nascut a la debuta de las annadas 70 a Nòva Iòrk dins Bronx, lo rap (o hip-hop) èra a la parténcia un movement cultural urban, mescla de Discò, percucions, escratch (l’ escracht es lo biais de faire d’anar e venir sus un vinil que fa una mena de bruch que fa « scrrrtch » pr’amor d’aquò ne pòrta lo nom) tot aquò es l’art del « Disk jokey » que sonam lo « DJ » e dins lo rap lo DJ a un MC un « Maitre de ceremonia » lo que capta l’atencion, que mestreja l’art dels mots, del ritme e que fa passar lo messatge. Lo MC (o rapaire) s’inspira de mai d’un estil per far sas paraulas « reggae, jazz, blues, ròck, discò » sovent constituit de dos o tres coblets e de 2 o tres refrans. Lo rap amb sos messatges denonciator de l’insalubritat dels getòs (barri popular) de Nòva Iòrk, la condicions de las personas de color e la pauretat a balhat naissença a tot un movement cultural e artistic (Break-Dance, graffiti, skate eca…) un movement salvatge que sortís dels còdes de la societat.

Dins las annadas 80 lo rap travèrsa l’america cap a Los Angeles e balha aquí naissença al Gangstà rap, aquí los artistas parlan mai de la criminalitat que sevís dins los getòs de L.A, sovent aparentats a de messatges misogins, omofòbs, e que adulan lo poder de l’argent. Es dins aquelas annadas que en França vesèm de grops se formar coma NTM o IAM, dos grops de rap fòrça populars que fan vehicular de messatges sus la condicion umana, las guèrras luènh del gangsta rap mas amb de referéncias tanben.

Ara lo rap es la musica la mai escotada en França e es sovent apropriat a de prepaus misogins (a causa del movement gangsta rap qu’a fach fòrça parlar) mas a mon vejaire la musica rap es venguda un produch de consomacion e las cançons popularas qu’ausissèm ara d’en pertot es subretot per far vendre… Sèm dins un epòca que las gens escotan pas pus los messatges e pensan subretot a dançar, s’occupan pas mai de las paraulas, alara vertat es mai aisit de dire que que siá pus lèu que vehicular un messatge vertadièr… Mas demòran de pepitas amagadas que podèm trapar sus internet, de vertadièra poesia modèrna.

Se ne vòles saupre mai sus aquel movement vos aconselhi de seguir aquelas sorças e annèxas :

«The Get Down» seria americana que conta la naissança del hip-hop dins las annadas 70

«N.W.A» film biografic american que parla
del grop de musica qu’a donat naissença al Gangstà rap

«All Eyes on Me» film biografic
de l’artista Tupac Shakur (considerat coma
lo mai grand rapaire de totes los tempses) annadas 80-90

Autor : Lòris Rostaing