La Ciutat de Carcassona es un ensemble d’architectura medievala que se trapa dins la vila francesa que pòrta son nom, dins lo departament d’Aude, dins la region Occitania. Es situada sus la broa drecha d’Aude al sud de la vila actuala. Aquesta ciutat fortificada tira sas originas dempuèi lo periòde gallò-roman e es fòrça coneguda gràcias a sos dobles remparts que fan 3 km de long e que compòrtan 52 tòrres, que i pòdem veire tota la valèa d’Aude. La ciutat compren tanben un castèl (lo castèl comtal) e una basilica (la basilica Sant-Nazari).

Classada al patrimòni mondial de l’UNESCO, dempuèi 1997, es estada salvada de la destruccion per l’archeològ Jean-Pierre Cros-Mayrevieille (18101876), e entretenguda pels arquitèctes Eugène Viollet-le-Duc 1814-1879 e Paul Louis Boeswillwald (1844-1931).

La legenda de Dòna Carcàs :

Dòna Carcas es un personatge de legenda ligat a la ciutat de Carcassona.                                                                                          Es la femna de Ballak (prince musulman de Carcassona) que se faguèt tuar a la guèrra contra Carlesmanhe; Dòna Carcàs aprèp la mòrt de son marit prenguèt lo poder de la vila fàcia a l’armada franca, e l’auriá rebutada. La princessa Carcàs auriá, d’en primièr, utilizat la rusa, consistissent en la realizacion de falses soldats que foguèron fabricats e plaçats dins cada tòrre de la ciutat .          Lo sèti durèt 5 ans.

Mas a la debuta de la 6e annada, la noiridura e l’aiga se fasián de mai en mai raras. Dòna Carcàs volguèt faire lo compte de totas las resèrvas que demoravan. La vila èra sarrasina, doncas la part musulmana manjava pas de pòrc. Los estatjants li menèron un pòrc e un sac de blat.  Alavetz aguèt l’idèa de noirir lo pòrc amb lo sac de blat, puèi de l’escampar dempuèi lo naut de la rre de la ciutat, als pès dels remparts exteriors. Carlesmanhe e sos òmes creguèron que la Ciutat desbordava encara de soldats e de viures al punt de gastar de pòrcs noirits de blat. Levèt lo sèti. Vesent l’armada de Carlesmanhe quitar la plana davant la ciutat, Dòna Carcàs, emplenada de gaug per la victòria de son estrategia, decidiguèt de faire sonar totas las campanas de la vila. Un dels òmes de Carlesmagne cridèt alara « Carcas sona ! Carcas sona ! », e es aital que nasquèt lo nom de la ciutat…

representacion de Dòna Carcàs dins la ciutat