Anar en çò deus pairbons e sentir ua bona aulor de cheddar honut…un soviéner d’enfança deus bons.

Arribada com cau a Wimereux la setmana passada, qu’avèvi enveja de partatjar dab vosautes aqueth plat tradicionau deu Nòrd Pas-de-Calais preparat essenciaument dab hromatge.

Ingredients  (tà 4 personas) :

  • 600g de hromatge de cheddar.
  • 4 lescas de cambajon blanc.
  • 6 culhèras-sopa de bièrra (bièrra ambrada o bièrra bruna)
  • 4 a 6 lescas de pan de campanha
  • 4 culheradas-sopa de mostarda.
  • Sau e péber
  • 4 ueus (facultatiu)

Preparacion :

  • Precauhar lo horn a 180°C
  • En diferents plats a gratin, aprestar las lescas de pan de campanha e hicar ua lesca de cambajon sus cada tròç de pan.
  • Talhucar lo cheddar e har hόner lo hromatge en ua caishòla a petit huec. Quan obtienetz ua consisténcia omogenèa, ajustar la bièrra e la mostarda. Mesclar lo tot.
  • Amantar generosament cada plat dab aquera preparacion e en·hornar los welshs 10 minutas de reng.
  • Taus mei gormands, qu’ei possible d’ajustar un ueu a la padèra sus la preparacion. Aqueth plat que’s minja mei que mei dab fritas donc que v’aconselhi de’vs prevéder ua bona sesilha d’espòrt en seguir.

Bona hami !

Gambart Alizée