Tot en naut del pichòt vilatge de Ròcabrun se trapa un jardin botanic que recampa las diferentas espècias de plantas e d’arbres que se pòdon trapar dins la region.

Creat en 1986 per l’associacion C.A.D.E (Collectif Agricole pour le Développement et l’Environnement) aquel jardin a per tòca de presentar la plantas mediterranencas mas subretot servir de conservatòri per las espècias localas a man de desaparéisser. A l’ora d’ara lo jardin aculhís mai de 4000 plantas.

Lo camin botanic foguèt donc montat al pè de la tòrre que se ten gloriosament al dessús del vilatge.

Caminant sul puèg, lo sendièr nos fa passar davant un fum de plantas de la region mas tanben d’autras mai exoticas.

Mas l’emplaçament de Ròcabrun per aquel jardin foguèt pas causit per res, lo climat, la vista, sa posicion estrategica al jonhent de la valada d’Òrb e de Laurenque.

Ròcabrun foguèt dempuèi totjorn un luòc sollicitat pels òmes, de vestigis d’ostalariás umanas datant del 4en milenari abans J.C. Puèi los estancis que i butan las plantas son direccion plen sud e protegidas de la tramotana per las «orgues dolomitique» que captan la calor la jornada per la restituir la nuèit.

L’intrada adulta còsta 6euròs e en mai d’aquò de pichòts eveniments son organizats sul siti coma de mòstras, de visitas guidadas, d’animacions, de conferéncias, e de ventas de plantas.

Es un endrech plan agradiu que ganha plan a se far conéisser donc s’avètz l’escasença de passar pel vilatge de Ròcabrun d’esitar pas d’i anar far un torn !

Angelò BORDIN