Nos retrobam per mon darrièr Tut’òc Creatiu dins Shiula Floreta. Vos prepausi de fargar una estacion de meteò per la classa. Aquel tut’òc es inspirat del libre : DIY PAPIER, JE ME LANCE de las edicions Marie Claire.

Per la realizar vos cal :

  • 2 fuèlhs de papièr blanc
  • un parelh de cisèls
  • un gredon
  • de feutres o de pintura
  • un fial o riban
  • una acrancadoira
  • una traucadoira

1) Plegar un fuèlh en quatre. Dessenhar una mitat de nívol sus la primièra espessor.

2) Plegar tornamai en dos, de biais que la mitat de la nívol siá al dessùs.

3) Copar la mitat de nívol. Devèm obténer quatre nívols amb un plec al mièg. Acrancar las nívols amassa al nivèl del plec.

4) Plegar en dos las nívols e traucar l’extremitat. Servirà a passar lo fial. Sus cada nívol qu’apareis quand viram las « paginas » dessenhar una meteò (nívol gris, auratge, solelh, pluèja, nèva, arcolan…)

N.B. : atencion, se utilizam de feutres la tinta pòt passar al travèrs del fuèlh. Conselhi d’ensajar sus un canton de papièr e se cal de doblar lo nombre de nívols.

5) Los metre en color amb de feutres o de pintura. Pegar l’estacion meteò sus un fons de la color que volèm o contra una paret. Al nivèl dels traucs de cada costat de la nívol estacar un fial que penja de cada costat.

Idèas d’imatges meteò :

6) Cada jorn que caldrà cambiar la meteò far passar las extremitats dins lo fial per daissar aparèisser la meteò del jorn.

Clara-Lina ZIMPFER