La Cauçada dels Gigants, Irlanda de Nòrd :
La Cauçada dels Gigants es en fach un fenomèn volcanic que formèt de pèiras exagonalas dispausadas a la verticala las unas a costat de las autras.
Forman de colomnas, comptam a la lèsta 40 000 colomnas de pèiras coma se la tèrra èra pavada, coma s’èra òbra umana. Coneguda per la populacion locala, la Cauçada dels Gigants foguèt descobèrta pel grand public en 1693 gràcia a Sir Richard Bulkeley.
Membre del Trinity College de Dublin que i presentèt un article sus aquel endrech a la Royal Society de Londres.
Mas tanben per la pintura de Susanna Drury que repren los traches d’aquel endrech en 1739.
Lo siti foguèt inscrich sus la lista del patrimòni mondial de l’UNESCO en 1986.
La legenda conta que i aviá dos gigants. L’un demorava en Escòcia, se sonava« Benandonner».
L’autre demorava en Irlanda, respondèt al nom de «Fionn Mac Cumhaill». Los dos se carpinhèron totjorn sens pas jamai se veire.
Un jorn lo gigant d’Escòcia, Benandonner, diguèt qu’aparentament lo gigant d’Irlanda èra talament pichòt
qu’èra impossible per el de perdre una tustada contre el.
En ausissent aquò lo Fionn Mac Cumhaill, d’Irlanda, decidiguèt d’escampar de pèiras dins l’ocean cap a Escòcia per bastir un pont e provoquèt lo gigant d’Escòcia per se venir carpinhar per de bon !
Benandonner prenguèt la rota, e quand lo Gigant d’Irlanda vegèt son enemic qu’èra fòrça mai grand qu’el, commencèt a ésser desvariat e demandèt a sa femna que faire…
Sa femna aguèt una idèia, decidiguèt de desguisar son marit en nenon e d’anar saludar lo gigant Escocés amb son nenon dins los brasses
«Adieu soi la femna de Fionn Mac Cumhaill vaquí lo nòstre nenon, mon marit arriba».
En vesent la talha del nenon lo gigant Benandonner prenguèt paur e se diguèt que se lo nenon èra tan grand, lo paire deuriá èsser mai grand e mai potent qu’el,
a las cambas ajuda-me partiguèt, prenguèt lo temps de destrusir lo pont per pas que lo gigant d’Irlanda venguèsse sus son iscla.
Vaquí un ligam cap a un filmòt d’animacion qu’illustra aquela legenda : https://www.youtube.com/watch?v=T8mtY2GV_84
Autor : Loris.R