Per començar, vos desiram una « Bona annada, plan granada e acompanhada d’un ramat d’autras » coma lo ditz la formula. Una novèla annada comença doncas amb Epifania, tradicionalament lo 6 de genièr, que se manja una galeta. A l’interior i es amagada una fava e lo que la tròba bota la corona.
Per poder tirar los Reis, vaquí la recèpta :
| Ustensils | Ingredients |
| un ensaladièr un dosaire un foet un cotèl un culhièr un mòtle un pincèl un forn | 50 gramas de burre 60 gramas de sucre 2 uòus + 1 mujòl 60 gramas de polvera d’amètla 2 rotlèus de pasta fulhetada 1 gòt d’aiga 1 fava |
D’en primièr, mesclar dins un ensaladièr lo burre mòl, lo sucre, los uòus e la polvera d’amètla. Puèi, desrotlar la pasta dins lo mòtle (sul papièr) e i pausar la mescladissa dessús amb un culhièr bèl. Plaçar la fava e apondre la segonda pasta per amagar la garnitura. Umidificar los bòrds per los pegar amassa. Per acabar, far de dessenhs al cotèl sul cobertor e passar lo mujòl al pincèl sus la galeta. Un còp aquò fait, enfornar 30 mn a 170°C.
Bon apetís !
Aurèlia Lagarde e la còla