La sason de la coja es dubèrta dempuèi un pichon moment ara. Vos prepausam una recèpta d’un pastisson a la coja de las bonas. Es una recèpta d’un país castrés que sovent lo mesturet conten fòrça coja e balha doncas una consisténcia mai mofla. Existisson d’autras versions d’aquela còca amb plan mens de coja que balhan al pastisson un costat mai sec. Pro parlat, i anam !
Vos caldrà :
1,2 quilò de coja roja muscada
1 veire de lait
150 gramas de sucre
125 gramas de farina de milh
125 gramas de farina de blat
una raspadura d’irange e una de lemon
un rajòl d’aigardent
Dins una caçairòla far còire la coja cobèrta d’aiga. Quand es cuèita, sortir l’aiga, ajustar lo lait, lo sucre, la farina de milh e la farina de blat, una raspadura d’irange, una de lemon e un rajòl d’aigardent. Plan bolegar. Far còser aperaquí una ora.
Bon apetís a totes !
Emà Albert e la còla