Un tròç de camin

Cristòf Calmettes es un amorós de la lenga nòstra, lenga nostalgica qu’ausiguèt pichon per carrièras en çò seu e mai que mai dins l’espiçariá-cafè dels parents .

Tornèt a la lenga mercés a la filha calandrona, prenguèt de corses d’occitan dos ans a, e i descobriguèt la literatura de Joan Bodon e notadament «La grava sul camin».

Professor a-z-Albi a la fac, actor de teatre dempuèi 20 ans, Cristòf afogat d’aquela òbra, metèt en scèna la primièra mitat de «La grava sul camin».

Aguèri l’astre de lo veire lo divendres 8 d’abrial de 2022, que venguèt al collègi del país Tolzan a Tolosa.

Amb la classa de tresena passèrem un moment meravilhós. Nos faguèt partir amb el pel viatge retorn del Servici del Trabalh Obligatòri, retorn mai que mai pertocant.

Aprèp aquel espectacle, escambièrem amb el. Nos parlèt de son ligam afectiu cap a la lenga occitana, son enveja de ne far viure la cultura a travèrs sas pèças de teatre. Atal, serà per el un biais d’escambiar amb los vilatgeses de son enfància e de los tornar far viatjar amb el.

Milena Galinièr e la còla

Articles recommandés

Laisser un commentaire

Votre adresse e-mail ne sera pas publiée.